Didüm yâra ki dudağunı emsem
Şair: Ahmedî
Türü: gazel
Başlık: Didüm yâra ki dudağunı emsem
Şiir: Didüm yâra ki dudağunı emsem
Didi dervîşe la’l olur mı em-sem
Didüm kim dökmesün kanumı gamzen
Didi kanun döker cânun alur hem
Didüm ağzun ne güherdür bilinmez
Didi cân râzıdur va’llâhu a’lem
Perîşânam didüm zülfüne didi
Perîşânlık degül sevdâyiye kem
Didüm kim nesh ide mi hüsnüni hat
Didi nesh olmaz âyet k’ola muhkem
Didüm ağzun ile yüzün ne durur
Didi şorgör şekerle gül durur hem
Didüm zülfün neçün hamdur didi kim
‘Aceb midür benefşe kim ola ham
Didüm kim hem-dem olsan Ahmedî’ye
Didi yitmez mi derdüm ana hem-dem
Açıklama: vezni: mefâ’îlün mefâ’îlün fa’ûlün
|