Şair: Bakî
Türü: Gazel
Başlık: Câme-hâb ol âfeti aldıkça tenhâ koynuna
Şiir:
Câme-hâb ol âfeti aldıkça tenhâ koynuna
Sanuram ebrin girer mâh-ı şeb ârâ koynuna
Subh-dem ey fâhte bî-hûde efgaan eyleme
Çün girersin her gice bir servi bâlâ koynuna
Niçün ağlarsın felekden bilsem ey şeb-nem seni
Girmesen bari hele bir verd-i ra'nâ koynuna
Dür dişin vasfında şi'rim defterin gördü meğer
Kim sadef mecmûasını aldı deryâ koynuna
Ruhlerin şevkiyle pür-dâğ itdi Bâkî sinesin
Bir avuç berg-i gül-i ter koydu güya koynuna
Açıklama: Fâilâtün fâilâtün fâilâtün fâilün
|