Âb-ı hayât-ı lâ line ser-çeşme-i cân teşnedir
Şair: Bakî
Türü: Gazel
Başlık: Âb-ı hayât-ı lâ'line ser-çeşme-i cân teşnedir
Şiir:
Âb-ı hayât-ı lâ'line ser-çeşme-i cân teşnedir
Sun cür'a-i câm-ı lebin kim âb-ı hayvân teşnedir
Cân lâ'lin eyler ârzû yâr içmek ister kanımı
Yâ Rab ne vâdidir bu kim cân teşne canan teşnedir.
Âb-ı zülâl-i vaslına muhtâc dil tenhâ değil
Hâk üzre kalmış huşk-leb deryâ-yı ummân teşnedir
Bezm-i gamında cân ü dil yandı yakıldı sâkiyâ
Depret elin sür ayağın meclisde yârân teşnedir
Cânâ ziilâl-i vaslını ağyâr umar uşşâk umar
Âb-ı sehâb-ı rahmete kâfir Müselmân teşnedir
Giryân o Leylî-veş n'ola sahraya salsa Bâki'yi
Mecnûn'un âb-ı çeşmine hâk-i beyâbân teşnedir
Açıklama: Müstef'ilün müstef'ilün müstef'ilün müstef'ilün
|