Dil derd-i aşk-ı yâr ile bezm-i belâdedir
Şair: Bakî
Türü: Gazel
Başlık: Dil derd-i aşk-ı yâr ile bezm-i belâdedir
Şiir:
Dil derd-i aşk-ı yâr ile bezm-i belâdedir
Kad çeng ü nâle nây ü ciğer hûnu badedir
Ten hâki rehde dîde zülâl-i visâlde
Cân âteş-i firaakda hâtır hevâdedir
Koçmak nasîb olur mu miyânın kemer gibi
Cânâ nite ki hançer-i hicran aradedir
Ferzâne-i cihânsın o ruhlerle sen bugün
Şâhân-ı hüsn atın önünce piyâdedir
Men'eyleme yanınca sürünsün ko sâye vâr
Bâkî kulun da pâdişehim bir fütâdedir
Açıklama: Mef'ûlü fâilâtü mefâîlü fâilün
|