Şarâb-ı nâb götürdükçe nîm-i hâb sana
Şair: Nailî
Türü: gazel
Başlık: Şarâb-ı nâb götürdükçe nîm-i hâb sana
Şiir:
Şarâb-ı nâb götürdükçe nîm-i hâb sana
Tutar elinde kadeh mâh ü âftâb sana
Cihanı etmeğe bir lahzada harâb sana
Yeter o nergis-i mahmur ü nîm-i hâb sana
Hazer gururdan ey âftâb-ı behçet kim
Zaman ola gele her zerreden hicâb sana
Yeter harâbi-yi rindâna bir nigeh sâkî
Giran gelürse eğer câm-ı pür şarâb sana
Düşerdi manzara-i çârtâk-ı nahvetten
Bu hüsn ile nazar etseydi âftâb sana
Nedir bu feyz-i sirayet ki sakiyâ vermiş
Lebin şarâba letafet şarâb nâb sana
Selâm-ı Nâili-yî zârdan mı incindin
Nedendir ey ham-ı ebru bu ü tâb sana
Açıklama: Vezni: mefâ’ilün fe’ilâtün mefâ’ilün fe’ilün
|