Divan Edebiyatı 14.yy - Anadolu

[Hacker]

Şair: Şeyhoğlu Mustafa
Türü: gazel
Başlık: Şehümün ‘aşkıdır cândan mukaddem
Şiir:
Şehümün ‘aşkıdır cândan mukaddem
Anun derdi benüm gönlümde muhkem

Düşeli lebleri ‘aksi gözüme
Döker iki gözüm her demde hoş dem

Nigârun gönli benüm ile hoşdur
Anunçüngelmedi hâtıruma gam

Olar kim bizi bu yirde dilemez
İlâhî ‘ömri olsun anlarun kem

Bugün câmı ki bâğ içinde içerem
Sevinsün gûrı içinde bu dem Cem

Bana sini gerekdür ey gül-endâm
Temâmet ‘al-i ‘âlem ne’m durur ne’m

Yoluna Şeyhoğlı terk eder cân
Esirge hüsn ile ki oldun mükerrem



Açıklama: vezni: mefâ’ilün fe’ilâtün fa’ûlün

[Hacker]

Şair: Şeyhoğlu Mustafa
Türü: gazel
Başlık: Egerçi yirüm uçmakdur bezenmiş kasr-ı nûrânî
Şiir:
Egerçi yirüm uçmakdur bezenmiş kasr-ı nûrânî
Çü dîdârunı görmezven tamudur n’iderem anı

Eger şehr ola ger gülşen cemâlünsüz safâ virmez
Niçeme hûb ise ziştdür beden kim olmaya cânı

Sa’âdet güneşi sensin ki şu’len külli devletdür
Kime kim irişe nûrun irişür ferr-i subhânî

Tapunla öğrenen kimse tahammül kılsa hicründen
Değüldür âdemî v’allâh ko gitsün değme hayvânı

İlâhî şâhumun ‘ömri hemîşe müstedâm olsun
Ola birgün ki ben kula kıla vaslından erzânî

Senünle bu fenâ dünyî bugün firdevs-i a’lîdür
Ve ger sensüz ola yarın gerekmez hûr u Rıdvân’ı

Visâl isterse Şeyhoğlı firâka sabr ide görsün
Karanulıkda bulmışdur bilün Hızr âb-ı hayvânı



Açıklama: vezni: mefâ’îlün mefâ’îlün mefâ’îlün fa’ûlün