Divan Edebiyatı 17.yy

[Hacker]

Şair: Şeyhülislâm Yahya
Türü: Gazel
Başlık: Mescidde riyâ-pîşeler itsün ko riyayı
Şiir:
Mescidde riyâ-pîşeler itsün ko riyayı
Mey-hâne j e gel kim ne riya var ne miirâyi

Ey câm-ı safa talibi bi-hûde özenme
Cem’le bile def n eylediler câm-ı saf âyı

Redditmiş idi yâr rakibi eşiğinden
Gelmiş o siyeh-rû yine gördün mü belâyı

Def’ idemedik ceyş-i gamı sa’y idegördük
Tedbir ne mümkin boza takdir-i Huda’yı

Yahya nice âvâre-i aşk olmayayım ben
Dil-berse güzel dilse nihâyetde havâyî



Açıklama: Mef'ûlü mefâîlü mefâîlü faulün

[Hacker]

Şair: Şeyhülislâm Yahya
Türü: Gazel
Başlık: Hemîşe merdüm-i çeşmim izâr-ı yâra bakar
Şiir:
Hemîşe merdüm-i çeşmim izâr-ı yâra bakar
Gözüm o pencereden sahn-ı lâle-zâra bakar

Zeman gelür yine zerrin kadeh ahır eline
Çemende nergis-i şehlâ hemân bahara bakar

Nesîm-i lûtfunadır intizârı fülk-i dilin
Çoğ oldu sâhil-i mihnetde rüzgâra bakar

Seni gelür işidüb bağa yâsemen cânâ
Çıkub o şevk ile dîvâr-ı reh-güzâra bakar

Ne i'tibâr bu evzâ'a merd olan Yahyâ
Ne zillete nazar eyler ne i'tibâra bakar



Açıklama: Mefâilün feilâtün mefâilün feilün

[Hacker]

Şair: Şeyhülislâm Yahya
Türü: Gazel
Başlık: Açılmadın incitdi seni zâtı hezârın
Şiir:
Açılmadın incitdi seni zâtı hezârın
Ey gonce-i ter gönlü müsün bülbül-i zârın

Bülbüller öter güller açar şâd gönül yok
Hiç böyleliğin görmemişiz fasl-ı bahârın

Âgaazı güzel eyledin ey bülbül-i şeydâ
Hoş gelmedi ammâ dil-i pür-şevke kararın

Hâlin ideli gamze-i hûn-hâra takarrüb
Hûn itdi dilin nâfçe-i müşg-i Tatârın

Yahya ko dili pârelesün Iâle-sıf at yâr
Gül-zâr-ı gamın revnakıdır kalb-i figârın



Açıklama: Mefûlü mefâîlü mefâîlü faulün

[Hacker]

Şair: Şeyhülislâm Yahya
Türü: gazel
Başlık: Cihânda ‘âşık-ı mecrûha sanma râhat olur
Şiir:
Cihânda ‘âşık-ı mecrûha sanma râhat olur
Neler çeker bu gönül söylesem şikâyet olur

Ölünce dermeni kalsun çıkarmanız dilden
Tahammül eyleyemem ol da bir cerâhat olur

Le’îme renciş-i hatır verir kerem etmek
Mukayyed olmasun erbâb-ı dil ki zahmet olur

Zamânede yine bir berk-i ‘îş girmez ele
Felek müsâ’ade itmez ne bî-mürüvvet olur

Yakında kûy-ı harâbâta uğradım Yahyâ
Ne hûb cây-ı safâ gûşe-i ferâgat olur



Açıklama: vezin: mefâ’ilün fe’ilâtün mefâ’ilün fe’ilün

[Hacker]

Şair: Şeyhülislâm Yahya
Türü: gazel
Başlık: Bir dil-rübâya düşdü gönül mübtelâsı çok
Şiir:
Bir dil-rübâya düşdü gönül mübtelâsı çok
‘Aşkun safâsı yok değül ammâ cefâsı çok

Şehr-i cemâl o gamze vü ebrû vü hâl ile
Hakkâ ne cây-ı dil-keş olur dil-rübâsı çok

Bin câna virmeye n’ola bir bûsesini yâr
Az olıcak metâ’ olur anın bahâsı çok

Hiçbir belâ mı var ki gönül anı bilmeye
Seyyâh-ı bî-karârın olur âşinâsı çok

Zülf-i siyâh-ı yârda var sad-hezâr çîn
El çek tolaşmadan ana Yahyâ hatâsı çok



Açıklama: vezni: mef’ûlü fâ’ilâtü mefâ’îlü fâ’ilün

[Hacker]

Şair: Şeyhülislâm Yahya
Türü: gazel
Başlık: Yâr açılsa da biraz bâde-i nâb olsa bize
Şiir:
Yâr açılsa da biraz bâde-i nâb olsa bize
Gelse sâkî sebeb-i ref-i hicâb olsa bize

Tâc-i Dârâ'da olan gevheri biz neyleyelim
Câm-ı Cem'de sunulan lâ'l-i müzâb olsa bize

Bâde-l-humm-i mecazî bize te’sir etmez
Eski meyhâreleriz köhne şarap olsa bize

Ehl-i dil düşmeni hussâda acep nettik biz
Şâd olur her biri bir güne, azâb olsa bize

Kande var tâze güzel deyu arardık Yahyâ
Yâri tenha bulucak sonra cevâb olsa bize



Açıklama: vezni: fe’ilâtün fe’ilâtün fe’ilâtün fe’ilün